ئەمڕۆ دووشەممە ١٤ـی ئەیلول، بەڕێز مامۆستا محەممەد ئەحمەد، بەڕێوەبەری گشتیی پەروەردەی گەرمیان پێشوازی کرد لە ژمارەیەک لەو مامۆستایانەی کە دانیشتووی قەزای خانەقینن و ساڵانێکە لە خوێندنگاکانی سنووری بەڕێوەبەرایەتیی پەروەردەی کەلار دەوام دەکەن.
لە دانیشتنێکدا لەگەڵ ئەو مامۆستا بەڕێزانە، بەڕێوەبەری گشتیی پەروەردە بە وردی گوێی لە داواکاری و پێشنیار و مەبەستەکانیان گرت و زۆر سوپاسیشی کردن کە دڵسۆزانە لە ساڵانی رابردوودا ئەرکەکانی خۆیانیان جێبەجێکردووە لە ئێستاش دا بەهەمان گوڕوتینەوە بەردەوامن لە خزمەت.
راگەیاندن و پەیوەندییەکانی بەڕێوەبەرایەتیی گشتیی پەروەردەی گەرمیان
بەرێوەبەرایەتى گشتى پەروەردەى گەرمیان
