ئەمڕۆ لەگەرمیان، زەنگی ساڵی نوێی خوێندن لێدرا.
ئەمڕۆ(٢٠ئەیلول ) بەئامادەبوونی سەرپەرشتیاری ئیدارەی گەرمیان و قایمقامی قەزای کەلار و بەڕێوەبەری گشتی پەروەردەی گەرمیان و بەڕێوەبەری پەروەردەی کەلار و سەرپەرشتیارانی پەروەردەیی و مامۆستایان و خوێندکاران، لە شاری کەلار، ناوەندی ئیدارەی گەرمیان زەنگی ساڵی نویی خوێندن لێدرا.
بۆ ئەومەبەستە مەراسیمێک لە قوتابخانەی (گەشە)ی بنەڕەتیی بەڕێوەچوو، لە مەراسیمەکەدا سەرپەرشتیاری ئیدارەی گەرمیان وتەیەکی پێشکەشکرد و ئاماژەی بە ڕۆڵی خوێندن و زانست کرد لە پێشخستنی کۆمەڵگە و نیشتمانەکەمان، هاوکات پیرۆزبایی ساڵی نوێی خوێندنی لە سەرجەم قوتابیان و خوێندکاران و مامۆستایان کرد، هیواشی خواست ساڵی نوێی خوێندن ساڵێکی پڕ بەرهەم و پڕ خێر و خۆشی بێت بۆ کوردستان.
هەر لە مەراسیمەکەدا بەڕێوبەری گشتی پەروەردەی گەرمیان وتەیەکی پێشکەشکرد و وێرای بەخێرهاتن ، ساڵی نوێی ی خوێندنی لە سەرجەم مامۆستایان و خوێندکاران پیرۆزکرد ، هاوکات بەڕێوەبەری قوتابخانەی گەشە وتەیەکی پێشکەش کرد تێیدا ڕایگەیاند: شەرەفمەندین کە لە قوتابخانەی گەشە زەنگی ساڵی نوێی خویندن لێدرا ، هاوکات پیرۆزبایی لە مامۆستایان و خوێندکاران کرد.
دواتر و لە درێژەی مەراسیمەکەدا ، چەند چالاکیەکی هونەری بەڕێوەچوو ، پاشان ئاڵای پیرۆزی کوردستان هەڵکرا وزەنگی ساڵی نوێی خوێندن لێدرا بەمەش ساڵی نوێی خویندنی ٢٠٢٦-٢٠٢٧ دەستی پێکرد.
لە سنووری ئیدارەی گەرمیان ،ئەمساڵ ٨٦ هەزار خوێندکار روو لە ناوەندەکانی خوێندن دەکەن، ٤٢٤ قوتابخانەش دەرگا بەڕووی خوێندکاران دەکەنەوە.
ئیدارەی گەرمیان
