بەڕێوەبەری گشتی پەروەردەی گەرمیان سەردانی قەزای کفری کرد
بەیانی ئەمڕۆ دووشەممە ٣١ـی ئاب، بەڕێز مامۆستا محەممەد ئەحمەد، بەڕێوەبەری گشتیی پەروەردەی گەرمیان بە ئامادەبوونی بەڕێز مامۆستا شێرکۆ ساڵح، بەڕێوەبەری پەروەردەی کفری و مامۆستا محەممەد شکور، سەرپەرشتیاری یەکەمی بەڕێوەبەرێتی پەروەردەی کفری لە هۆڵی کۆبوونەوەکانی بەڕێوەبەرێتییەکە لەگەڵ بەڕێوەبەری سەرجەم باخچە و قوتابخانە بنەڕەتییەکانی سنوری پەروەردەی کفری کۆبووەوە.
لە سەرەتای کۆبوونەوەکەدا بەڕێز بەڕێوەبەری گشتی پەروەردە پیرۆزبایی لە مامۆستایانی بەڕێز کرد بەبۆنەی دەستپێکی ساڵی نوێی خوێندن و هیوای ساڵێکی خۆش و ئارامی بۆ خواستن.
دواتریش تیشکی خستە سەر ئامادەکارییەکانی ساڵی نوێی خوێندن و ئەو گۆڕانکارییانەی کە بۆ ساڵی نوێ کراوە.
لە بەشێکی تری وتەکانیدا بەڕێز بەڕێوەبەری گشتی، تیشکی خستەسەر خولی راهێنانی مامۆستایان و جەختی لەوە کردەوە کە گرنگە سەرجەم بەڕێوەبەر و یاریدەدەر و مامۆستایان لەو خولەدا بەشدار بن .
دواتریش بەڕێز مامۆستا شێرکۆ ساڵح، باسی لە وردەکارییەکانی خولەکە بۆ مامۆستایانی بەڕێوەبەر کرد و داوای لێکردن کە خۆیان و یاریدەدەر و مامۆستاکانیشیان بەشداری لە خولەکەدا بکەن و گرنگی تەواوی پێبدەن.
پاشان بەڕێزان بەڕێوەبەری باخچە و قوتابخانەکان داواکاری و سەرنج و تێبینییەکانیان خستەڕوو.
راگەیاندن و پەیوەندییەکانی بەڕێوەبەرایەتیی گشتیی پەروەردەی گەرمیان
بەرێوەبەرایەتى گشتى پەروەردەى گەرمیان
