پرۆژەی قیرتاوکردنی ڕێگای قیری شێخ تەویل ـ بێستانە- بەکر بایف جێبەجێدەکرێت
ئەمڕۆ (٥ی تشرینی یەکەمی ٢٠٢٦) بەئامادەبوونی سەرپەرشتیاری ئیدارەی گەرمیان و قایمقامی قەزای کەلار و بەڕێوەبەری ناحیەی شێخ تەویل و بەڕێوەبەری رێگاوبانی گەرمیان و دامودەزگاکانی دەزگاکانی ناحیەکە و بەشێک لە دانیشتوانی گوندەکان، قیرتاوکردنی رێگای شێخ تەویل- بێستانە- بەکر بایف لە سنوری ناحیەی شێخ تەویل دەستیپێکرد.
پرۆژەکە بە دوو قۆناغ جێبەجێدەکرێت و بەهەردوو قۆناغەکەی نزیکەی پێنج کیلۆمەتر دەبێت و بوودجەی پرۆژەکە ٨٧٦ ملیۆن دینارە و بەپێی دۆخی ئێستای جێبەجێکردن، ڕێژەی کاری ئەنجامدراو لە پرۆژەکەدا سەرووی ٤٥٪ تێپەڕیوە.
ئیدارەی گەرمیان
